Sit rett opp og ned
i godstolen,
tankane berre flyg på sjølvstyr,
får sauestiren på ein keramikkvase,
eller kanskje er det ei krukke,
er i alle fall av keramikk,
laga av ein lokal kunstnar
frå Hardanger,
blå-grått mønster,
mine fargar,
det var ei gåve
for mange år sidan,
det var takk for hjelp,
tankane undrar på
korleis det går med den personen
som sende ei slik fin
takkegåve,
har ikkje so mykje kontakt
lenger,
tankane vert avbrotne av
lyden av siste sentrifugeringa
av ein klesvask,
det ligg til rette for
å gjera noko nyttig
i dag òg.
Stikkordarkiv: sjølvstyr
På vidåtta
Legg igjen en kommentar
Det er lett å koma på
vidåtta
med tankar og tastaturfingrar,
dei sprett i veg
i kross og krok,
veit aldri heilt kva som
ventar bak neste tanke
eller ord,
sjølvstyret rår,
som oftast endar det opp
i ingenting,
halvtenkte tankar og
uferdige ord,
slik formar eit tankeliv seg,
eit liv på
vidåtta.