Strevar litt
dei enkle orda,
dei som berre er
ord,
vanskeleg å trengja seg fram
mellom alt det glorete
som legg skodde over oppfatningsevna

minnest med nostalgiske overtonar
augneblinkar der ord
skapte indre bilete,
bilete som ingen filmskapar
nokon gong maktar
å mana fram

ein hende gong
maktar enkle ord å trengja inn
som berre ord,
Olav, Hans og Jon
evnar å skapa slike ord.