Det er mykje eg ikkje likar og
set pris på,
eg kallar det fjas,
men mitt fjas er truleg ikkje
likt ditt fjas,
kanskje er mitt fjas
til og med
noko du likar og
set pris på,
slik fjasar me rundt
i ulike
fjaslandskap,

fjas kan ikkje plukkast
som eple om hausten,
fjas skaper me inne i oss,
kvar dag, heile tida,
heilt fjasfritt vil me heller
ikkje ha det,
fjaset trengst for
å kunna sola seg i
eigen klokskap.

Det burde lagast ein
eigen fjasdag.