Kvardagane vart annleis,
statsleiarar sleppte laus sinne
og tru på at
somme menneske
fortener ikkje å leva,
krigsindustrien blømer,
økonomien veks,
næringslivet har tru på
framtida,
foreldrelause barneaugo frå
krigsruinane
lyser mot kameralinsa,
veit knapt at ordet ‘framtid’
finst,
deira kvardagar er fylte med
alt som gjer morgondagen
uviss og utrygg,
dei kan berre drøyma om
å sjå eit fuglereir
i kanonmunninga
på ei stridsvogn.
Det ville ha vore
ein annleis kvardag.
Stikkordarkiv: kvardag
Gluggesyn
Legg igjen en kommentar
Takksamt å sitja bak ein
tjukk vegg
og sjå på omverda
gjennom ein glugge,
livet
der utanfor får
skarpe konturar
og er velsigna
avgrensa,
gluggesyn reddar mange
frå å verta
dregne inn
i ein omskakande kvardag
der omverda er utflytande og
detaljane for mange;
skyttarar skal visstnok
setja pris på
gluggar.