Om berre det rette ordet
kunne falla på plass på linja
som eg prøver å skriva
på skjermen rett framfor meg,
om berre det rette ordet
kunne fanga ljoset frå
dei smilande augo dine
nett i den augneblinken då
varmen smeltar den tunne
ishinna av tvil.
Om berre det kunne henda,
berre éin gong.
Søkjande og
attkjennande
smyg ei hand seg
over mi,
stryk varleg over aldrande hud
med synlege blodårer,
fingertuppane
penslar små rørsler
med samkjensle
og kvardagsglede
inn i ein augneblink
av vibrerande liv.
This website uses cookies. By continuing to use this site, you accept our use of cookies.